Edify

EDU - 302.1 -SCHOOL INTERNSHIP PROGRAMME - 9 - WEEK @kristraj H S S Kollam (22 September to 26th September 2025)  അധ്യാപന പരിശീലനത്തിന്റെ ഒമ്പതാം ആഴ്ച പിന്നിടുമ്പോഴും ക്രിസ്തുരാജ് എച്ച്എസ്എസിൽ നിന്ന് വ്യത്യസ്തമാർന്ന അനുഭവങ്ങൾ ഉൾക്കൊള്ളാൻ സാധിച്ചു.  തരിശുനിലങ്ങൾ എന്ന പാഠഭാഗത്തിന്റെ നോട്ട്  പറഞ്ഞുകൊടുക്കുന്നതിനും അച്യുതമ്മാമ എന്ന പാഠഭാഗം പഠിപ്പിക്കുന്നതിനും ഈയാഴ്ച ഞാൻ വിനിയോഗിച്ചു. 23/09/25, 24/09/25ചൊവ്വ, ബുധൻ എന്നീ ദിവസങ്ങളിൽ അധ്യാപകരായ അനുജ ടീച്ചർ ബൈജു സർ എന്നിവർ  ക്ലാസ് നിരീക്ഷിക്കാൻ വരുകയുണ്ടായി. 24/09/25 ഉച്ചതിരിഞ്ഞ് സ്കൂളിൽ ശാസ്ത്രമേള സംഘടിപ്പിച്ചിരുന്നു. പഠന സംബന്ധവും കായിക കലാപരവുമായ കാര്യങ്ങളിൽ ക്രിസ്തുരാജ് സ്കൂളിന്റെ മികവ് ഈ ദിവസങ്ങളിൽ അനുഭവിച്ച് അറിയാൻ സാധിച്ചു. 25/09/25ന് സ്കൂളിൽ ഇന്റർ സ്കൂൾ ചെസ് കോമ്പറ്റീഷൻ സംഘടിപ്പിച്ചിരുന്നു.

EDU - 302.1 -SCHOOL INTERNSHIP PROGRAMME - 7 - WEEK @kristraj H S S Kollam (15th September to 19th September 2025) പതിവുപോലെ 9 മണിയോടെ തന്നെ സ്കൂളിൽ എത്തിച്ചേരുകയും അസംബ്ലിയിൽ പങ്കുചേരുകയും ചെയ്തു. 17/ 9 /25 ബുധനാഴ്ച പിടിഎ മീറ്റിംഗ് ആയിരുന്നു. കുട്ടികളെല്ലാം അവരവരുടെ അച്ഛനും അമ്മയുമായി എത്തി മാർക്കുകൾ വിശകലനം ചെയ്യുകയും പോരായ്മകൾ മനസ്സിലാക്കുകയും ചെയ്യ്തു. സെപ്റ്റംബർ പതിനേഴാം തീയതി സ്കൂളിൽ ഒരു പുസ്തക പ്രകാശനം ഉണ്ടായിരുന്നു. കുട്ടികൾക്ക് ആസ്വാദ്യകരവും അറിവും വിജ്ഞാനവും പകരുന്ന ഒട്ടനവധി പുസ്തകങ്ങൾ മേളയിൽ ഉണ്ടായിരുന്നു. ഡെപ്യൂട്ടി അച്ചമായ മാഗി റ്റീച്ചർ ആയിരുന്നു മേള ഉദ്ഘാടനം ചെയ്തത്. മേളയിലെത്തുന്ന എല്ലാ കുട്ടികൾക്കും വായിക്കാനും അവ വിലകൊടുത്ത് വാങ്ങുവാനുള്ള സൗകര്യം ഒരുക്കിയിരുന്നു. എല്ലാ കുട്ടികളെയും പങ്കെടുപ്പിച്ചുകൊണ്ട് രണ്ടുദിവസമായിരുന്നു മേള സംഘടിപ്പിച്ചത്.

EDU - 302.1 -SCHOOL INTERNSHIP PROGRAMME - 7 - WEEK @kristraj H S S Kollam (08th September to 12th September 2025) ഓണ അവധിക്കു ശേഷം സ്കൂൾ തുറന്ന ഈ ആഴ്ചയിൽ ആദ്യത്തെ രണ്ടു ദിവസം ചോദ്യപേപ്പർ വിശകലനം ചെയ്തു. പരിഷ്ക്കരിച്ച ചോദ്യപേപ്പർ കുട്ടികളെ ചെറുതായി കുഴപ്പിച്ചിരുന്നു. 11/09/25,12/09/25  തീയതികളിൽ സ്കൂളിൽ സ്പോർട്സ് ഡേ ആയിരുന്നു.   സ്പോർട്സ് നടത്തിപ്പിന്റെ വിവിധ വശങ്ങളെക്കുറിച്ച്   ഈ ദിവസങ്ങളിൽ മനസ്സിലാക്കി. ഓട്ട മത്സരം,ഷോട്ട്പുട്ട്, റിലെ മത്സരം, നടത്തം  തുടങ്ങി വിവിധ കായിക മത്സരങ്ങൾ സംഘടിപ്പിക്കുകയും ഇതിൽ വിവിധ ഇനങ്ങളിൽ വിജയികളായ കുട്ടികളെ അഭിനന്ദിക്കുകയും മെഡലുകളും സർട്ടിഫിക്കറ്റുകളും വിതരണം ചെയ്യുകയും ചെയ്തു.